سياسة الخصوصية — مطعم الدمشقي

الخلاصة في سطرين

آخر تحديث: ٢٦ سبتمبر ٢٠٢٦

تطبيق مطعم الدمشقي بياخد منك اللي محتاجينه عشان الأكل يوصلك، وبس. مفيش تتبّع، مفيش إعلانات، ومفيش تحليلات. مفيش حد بيشتري بياناتك منّا ولا بنبيعها ولا بنبادلها. الحاجات القليلة اللي بتخرج برّه المطعم مكتوبة بالاسم تحت: خدمة الإيميل، شركة الاستضافة، وخدمة تحويل الكلام لنص بتاعة Google أو Apple وإنت بتطلب بصوتك. وتقدر تحذف حسابك من جوه التطبيق، أو من صفحة حذف الحساب على الويب، في أي وقت.

التطبيق اللي السياسة دي بتخصّه

السياسة دي بتخص تطبيق «مطعم الدمشقي» (eldamascis) على Google Play وعلى App Store، والصفحات دي نفسها. مفيش تطبيق تاني لينا.

مين إحنا

مطعم الدمشقي للمأكولات السورية — دمنهور، محافظة البحيرة، جمهورية مصر العربية. الخط الساخن ١٧٨٧١، والإيميل abdevpersonalmail@gmail.com. إحنا المسؤولين عن البيانات المذكورة هنا.

البيانات اللي بنجمعها

لما تبعت طلب: اسمك، رقم تليفونك، وعنوان التوصيل لو الطلب دليفري، مع محتويات الطلب نفسه وأي ملاحظات كتبتها. دي البيانات اللي من غيرها الأكل مش هيوصلك. ولو كنت مسجّل دخول وقتها، إيميلك بيتبعت مع الطلب نفسه ويتخزّن معاه — عشان الفرع يعرف يبعتلك تأكيد الأوردر، وعشان الأوردر يبان في «طلباتي السابقة».
لو عملت حساب (اختياري): إيميلك، عشان نبعتلك كود الدخول ونربط طلباتك ببعضها. الحساب بيتعرض عليك بعد ما تبعت طلبك، مش قبله — والتطبيق شغال بالكامل من غيره.
لو حطيت كلمة سر: أغلب الناس بتدخل بكود بيوصل على الإيميل ومحتاجش كلمة سر خالص. بس فيه طريقة تانية بكلمة سر، لمين ما بيوصلهوش الكود ولمراجعي المتاجر. لو استخدمتها، بنخزّن بصمة مشفّرة للكلمة (bcrypt) — مش الكلمة نفسها، ومحدش عندنا يقدر يقراها.
لو التطبيق وقع: رسالة الخطأ، ومسار الكود، والشاشة اللي حصل فيها، ونسخة التطبيق، واسم النظام (android أو ios)، ووصف الجهاز:
- على أندرويد — الشركة المصنّعة والموديل ونسخة أندرويد (بالشكل ده: «Samsung SM-A546E · Android 14»).
- على الآيفون — معرّف الهاردوير ونسخة iOS (بالشكل ده: «iPhone14,5 · iOS 18.2»). ده معرّف الموديل، مش الاسم اللي إنت سمّيت بيه موبايلك.
البلاغ ده بيروح لسيرفر المطعم نفسه — مش لأي شركة تانية — ومش مربوط بحسابك ولا باسمك.

إزاي بنربط طلباتك ببعض

لو كنت مسجّل دخول وقت الطلب، الأوردر بيتربط بحسابك على طول.
ولو طلبت كضيف، السيرفر بيعدّ الأوردرات اللي اتبعتت قبل كده بنفس رقم التليفون، عشان يقول للفرع إن ده عميل راجع وكام مرة طلب قبل كده. الرقم مبيتقارنش بأي حاجة برّه أوردرات المطعم دي، ومبيروحش لأي جهة تانية.
ولما تسجّل دخول، الأوردرات اللي بعتّها كضيف بنفس الإيميل بتترتبط بالحساب.

البيانات اللي مش بنجمعها

مكانك أو موقعك الجغرافي — التطبيق أصلاً مش بيطلب صلاحية الموقع ومش بيبعت إحداثيات.
جهات الاتصال، الصور، الكاميرا، التقويم، أو أي حاجة تانية على موبايلك.
معرّف إعلاني أو أي رقم بيتبعك بين التطبيقات. (رمز الإشعارات المذكور تحت بيعرّف الجهاز فقط ومش بيتبعك في أي مكان تاني.)
مفيش أدوات تحليلات (Analytics) ولا شبكات إعلانات جوه التطبيق خالص.

إشعارات العروض

تقدر تختار إن التطبيق يبعتلك إشعار لما ينزل عرض جديد. الاختيار ده اختياري بالكامل، والتطبيق بيسألك عنه بصريح العبارة قبل ما يطلب إذن الإشعارات من الموبايل، وتقدر توقفه في أي وقت من صفحة «حسابك» بدوسة واحدة.

لما توافق، الموبايل بيتسجّل عند خدمة الإشعارات Firebase Cloud Messaging من جوجل، وبياخد رمز تعريف للجهاز (device token). الرمز ده:

بيعرّف الجهاز، مش إنت — مش مربوط باسمك ولا تليفونك ولا حسابك ولا طلباتك.
بنستخدمه لحاجة واحدة بس: توصيل إشعارات العروض اللي إنت طلبتها.
مش بنستخدمه للتتبّع، ولا بنربطه ببيانات من تطبيقات أو مواقع تانية.
بيروح لجوجل بصفتها مشغّل خدمة الإشعارات. سياسة خصوصية جوجل: policies.google.com/privacy.
أول ما توقف الإشعارات، الاشتراك بيتلغي والرمز مابيتستخدمش تاني.

الإشعارات نفسها بتتبعت لكل المشتركين مرة واحدة، مش لشخص بعينه — إحنا مش بنحتفظ بقايمة مين استلم إيه.

الرسايل الصوتية والطلب بالصوت

التطبيق بيقدر يسجّل رسالة صوتية بطلبك. التسجيل بيتحفظ على موبايلك في ملف مؤقت جوه مساحة الكاش بتاعة التطبيق، ومبيتبعتش لنا — إنت اللي بتختار تبعته لأنهي تطبيق من قايمة المشاركة بتاعة الموبايل (الغالب واتساب). لو ضغطت «إعادة التسجيل» بيتمسح من على طول؛ ولو قفلت الشاشة وسبته من غير ما تبعته ولا تمسحه، الملف ممكن يفضل في الكاش لحد ما النظام ينضّف الكاش أو تمسح بيانات التطبيق. في كل الأحوال إحنا مبنستلمهوش.

وفي خاصية إنك تطلب بصوتك والتطبيق يفهم الأصناف من كلامك. عشان اللهجة المصرية تتفهم صح، التطبيق بيطلب من خدمة التعرّف على الكلام بتاعة نظام التشغيل تستخدم النموذج الشبكي مش اللي على الجهاز. يعني بصراحة: وإنت بتتكلم في شاشة الطلب بالصوت، صوتك بيروح لخدمة التعرّف على الكلام بتاعة Google على أندرويد، أو بتاعة Apple على الآيفون، وترجّع النص.

ده بيحصل وإنت فاتح شاشة الطلب بالصوت وبتتكلم بس، وبيقف لما تقفلها.
اللي بيتبعت هو صوتك وإنت بتقول طلبك — مش أي حاجة تانية على الموبايل.
الصوت ده مبيوصلش للمطعم أصلاً ومبنخزّنوش. إحنا بنشوف النص اللي رجع، ولما تبعت الطلب بس.
واللي بيحصل للصوت عند Google أو Apple خاضع لسياسة الخصوصية بتاعتهم، مش بتاعتنا.
ولو مش عايز ده يحصل: متستخدمش الطلب بالصوت. تقدر تكتب طلبك في نفس الشاشة، أو تسجّل رسالة صوتية وتبعتها للفرع بنفسك — الاتنين مش بيمروا على Google ولا Apple.

اللي متخزّن على موبايلك ومش عندنا

دي كل الحاجات اللي التطبيق بيحفظها جوه جهازك، مفيش غيرها:

اسمك، ورقم تليفونك، وعنوان التوصيل اللي كتبتهم آخر مرة — عشان متكتبهمش تاني.
السلة بتاعتك، والأصناف اللي حطّيتها في المفضلة.
نسخة من المنيو وتاريخ آخر تحديث ليها، عشان التطبيق يشتغل من غير إنترنت.
توكن الجلسة بتاع حسابك لو مسجّل دخول — صالح ٣٠ يوم، وبيتشال أول ما تسجّل خروج أو تحذف حسابك.

مفيش حاجة من دول بتتبعت لنا من نفسها، ومسح التطبيق (أو مسح بيانات التطبيق) بيمسحهم كلهم.

مين بيشوف بياناتك

موظفي الفرع اللي بيحضّر طلبك، وبس. إحنا مش بنبيع ولا بنأجّر ولا بنبادل بياناتك مع أي حد. وبرّه المطعم فيه تلات جهات، ودي كلها:

خدمة إيميل (SMTP): بتوصّل أكواد الدخول، وكمان إيميل تأكيد الأوردر اللي بيتبعت لما الفرع يأكد طلبك لو كان معانا إيميلك — وفيه رقم الأوردر، واسم الفرع، والأصناف، والإجمالي.
شركة استضافة: السيرفر والداتابيز شغالين عندها.
خدمة التعرّف على الكلام (Google على أندرويد، Apple على الآيفون): بتستلم صوتك وقت الطلب بالصوت بس، زي ما مشروح فوق.

كل واحدة فيهم بتشوف القدر اللازم للخدمة بتاعتها وبس.

ولو اخترت تبعت طلبك عن طريق واتساب، الرسالة بتخرج من التطبيق وتدخل واتساب، وساعتها بتبقى خاضعة لسياسة خصوصية واتساب.

إزاي بنأمّن بياناتك

كل الاتصال بين التطبيق والسيرفر ماشي على HTTPS مشفّر — ونسخ الإصدار على أندرويد وiOS مضبوطة إنها ترفض الاتصال غير المشفّر أصلاً.
كلمات السر متخزّنة كبصمة bcrypt، مش كنص مقروء.
أكواد الدخول نفسها متخزّنة كبصمة مشفّرة كمان، مش بالشكل اللي وصلك — والكود بيتحرق أول ما يتستخدم، وبيتقفل بعد خمس محاولات غلط.
لوحة تحكم الأوردرات محصورة في موظفي المطعم اللي بيشتغلوا عليها.

ومفيش نظام في الدنيا مضمون ١٠٠٪ — إحنا بنقول اللي بنعمله بالظبط، من غير وعود زيادة.

مدة الاحتفاظ

الطلبات: بنحتفظ بيها لدفاتر المطعم والحسابات الضريبية.
بيانات الحساب: موجودة طول ما الحساب موجود.
أكواد الدخول: صلاحيتها ١٠ دقايق، والكود بيتحرق أول ما يتستخدم فمينفعش يتستخدم تاني. والأكواد المنتهية بتتشال من الداتابيز في تنضيف دوري. ولو حذفت حسابك، أي كود على إيميلك بيتحذف في نفس اللحظة.
بلاغات الأعطال: بتتكتب في ملف على سيرفر المطعم. لما الملف يعدّي ٢ ميجا بيتحوّل لنسخة احتياطية واحدة ويبتدي ملف جديد، والنسخة الاحتياطية دي بتتستبدل في المرة اللي بعدها — يعني آخر جيلين تقريبًا هما اللي موجودين في أي وقت.

حذف حسابك

من جوه التطبيق: الرئيسية ← أيقونة الشخص فوق ← «حسابي» ← «حذف الحساب نهائيًا»، وبعدين تكتب كلمة «حذف» للتأكيد.

اللي بيتشال فورًا: اسمك، إيميلك، تليفونك، عناوينك المحفوظة، وارتباطك بأي طلب سابق.
اللي بيفضل: الطلبات نفسها في دفاتر المطعم من غير أي بيانات تدلّ عليك، لأن دي حسابات مبيعات القانون بيلزمنا نحتفظ بيها.

التفاصيل كاملة — والطريقة اللي تحذف بيها من غير ما تفتح التطبيق أصلاً — في صفحة حذف الحساب والبيانات.

حقوقك

تقدر تطلب نسخة من بياناتك، أو تصحيحها، أو حذفها. كلمنا على الخط الساخن ١٧٨٧١، أو على واتساب المطعم، أو ابعتلنا على abdevpersonalmail@gmail.com، وهنرد عليك في مدة معقولة.

الأطفال

التطبيق ده مش موجّه للأطفال، وإحنا مش بنجمع بيانات عن قصد من أي حد أقل من ١٣ سنة.

تعديلات على السياسة دي

لو غيّرنا حاجة، هنغيّر تاريخ «آخر تحديث» فوق. والتغييرات الجوهرية هتتقال جوه التطبيق نفسه.

للتواصل

الإيميل: abdevpersonalmail@gmail.com
الخط الساخن: ١٧٨٧١ · واتساب: ٠١٠٨٠٩١٩٧٠٤
العنوان: شارع المحافظة أمام النادي الاجتماعي، دمنهور، البحيرة، مصر.

Privacy Policy

Last updated: 26 September 2026

The Demashki Restaurant app asks for what it needs to get food to you, and nothing else. No tracking, no advertising, no analytics. We do not sell, rent or trade your data, and nobody buys it. The few things that do leave the restaurant are named below: our email provider, our hosting provider, and Google's or Apple's speech-to-text service while you are ordering by voice. You can delete your account from inside the app, or from the account deletion page on the web, at any time.

The app this policy covers

This policy covers the "مطعم الدمشقي" (eldamascis) app on Google Play and on the App Store, and these pages. We publish no other app.

Who we are

Demashki Restaurant (مطعم الدمشقي), Syrian cuisine — Damanhour, Beheira Governorate, Arab Republic of Egypt. Hotline 17871, email abdevpersonalmail@gmail.com. We are the controller of the data described here.

What we collect

When you place an order: your name, phone number, and delivery address if the order is for delivery, together with the contents of the order and any notes you wrote. Without these the food cannot reach you. If you are signed in at the time, your email address is sent with the order itself and stored on it — so the branch can send you a confirmation, and so the order appears in your order history.
If you create an account (optional): your email address, so we can send you a sign-in code and keep your orders together. The account is offered after you place an order, never before, and the app is fully usable without one.
If you set a password: most people sign in with a code sent to their inbox and never need a password. A password route exists as well, for people a mailed code does not reach and for store reviewers. If you use it, we store a bcrypt hash of the password — not the password itself, and nobody here can read it back.
If the app crashes: the error message, the stack trace, the screen it happened on, the app version, the platform name (android or ios), and a description of the device:
- on Android — the manufacturer, the model and the Android version (in this form: "Samsung SM-A546E · Android 14").
- on iPhone — the hardware identifier and the iOS version (in this form: "iPhone14,5 · iOS 18.2"). That is the model identifier, not the name you gave your phone.
This report goes to the restaurant's own server — not to any third party — and is not tied to your account or your name.

How your orders are linked together

If you are signed in when you order, the order attaches to your account.
If you order as a guest, the server counts the earlier orders carrying the same phone number, so the branch can see that you have ordered before and how often. That number is compared only against this restaurant's own orders, and goes nowhere else.
When you sign in, guest orders carrying the same email address are attached to the account.

What we do not collect

Your location — the app never asks for location permission and sends no coordinates.
Contacts, photos, camera, calendar, or anything else on your phone.
Advertising identifiers or any cross-app identifier. (The notification token described below identifies the device only and follows you nowhere else.)
There is no analytics SDK and no ad network in the app at all.

Offer notifications

You can choose to let the app notify you when a new offer starts. This is entirely optional: the app asks you in plain words before the system permission prompt appears, and you can switch it off at any time from the "حسابك" screen in a single tap.

When you agree, your phone registers with Firebase Cloud Messaging, Google's notification service, and is issued a device token. That token:

identifies the device, not you — it is not linked to your name, phone number, account or orders.
is used for one thing only: delivering the offer notifications you asked for.
is not used for tracking and is never combined with data from other apps or websites.
reaches Google in its role as the notification service provider. Google's privacy policy: policies.google.com/privacy.
stops being used the moment you turn notifications off; the subscription is cancelled.

Notifications are sent to all subscribers at once rather than to any one person, and we keep no record of who received what.

Voice notes and voice ordering

The app can record a voice note describing your order. That recording is written to a temporary file inside the app's cache on your phone and is not sent to us — you choose which app receives it from your phone's share sheet (usually WhatsApp). If you tap "record again" it is deleted immediately; if you close the sheet leaving a recording you neither sent nor discarded, the file can remain in the cache until the system clears the cache or you clear the app's data. Either way it never reaches us.

The app can also take an order by speech. So that Egyptian Arabic is understood properly, the app asks the operating system's speech recogniser for its network model rather than its on-device one. Plainly: while you are speaking in the voice-ordering sheet, your audio goes to Google's speech recognition service on Android, or to Apple's on iPhone, and the text comes back.

This happens only while the voice-ordering sheet is open and you are speaking, and stops when you close it.
What is sent is the audio of you saying your order — nothing else from the phone.
That audio never reaches the restaurant and we never store it. We see the resulting text, and only when you send the order.
What Google or Apple do with the audio is governed by their privacy policies, not by ours.
If you would rather this did not happen: do not use voice ordering. You can type your order in the same sheet, or record a voice note and send it to the branch yourself — neither passes through Google or Apple.

Stored on your phone, not with us

This is everything the app keeps on your device, and nothing else:

The name, phone number and delivery address you last typed, so you do not type them again.
Your cart, and the items you marked as favourites.
A copy of the menu and the date it was last refreshed, so the app works without internet.
Your session token if you are signed in — valid for 30 days, and removed the moment you sign out or delete your account.

None of these is sent to us on its own, and deleting the app (or clearing its data) deletes all of them.

Who sees your data

The branch staff preparing your order, and no one else. We do not sell, rent, or trade your data. Outside the restaurant there are three parties, and this is all of them:

An email (SMTP) provider: it delivers sign-in codes, and also the order confirmation email sent when a branch confirms your order and we have an address for you — containing the order number, the branch name, the items and the total.
A hosting provider: the server and its database run there.
A speech recognition service (Google on Android, Apple on iPhone): it receives your audio while you are voice ordering, and only then, as described above.

Each sees only what that service requires.

If you choose to send your order over WhatsApp, the message leaves the app and enters WhatsApp, where WhatsApp's privacy policy applies.

How we keep it safe

All traffic between the app and the server runs over encrypted HTTPS — and the release builds on both Android and iOS are configured to refuse cleartext connections outright.
Passwords are stored as bcrypt hashes, never as readable text.
Sign-in codes are stored hashed too, not in the form that reached you — and a code is burned the first time it is used, and locked after five wrong attempts.
The order dashboard is limited to the restaurant staff who work on it.

No system anywhere is 100% secure — we state exactly what we do, and promise nothing beyond it.

How long we keep it

Orders: retained as restaurant and tax records.
Account data: for as long as the account exists.
Sign-in codes: valid for 10 minutes, and burned the first time they are used so they cannot be used again. Expired codes are removed from the database in routine cleanup. If you delete your account, any code for your address is deleted in the same moment.
Crash reports: written to a file on the restaurant's server. When that file passes 2 MB it becomes a single backup copy and a new file starts; the next rotation replaces that backup — so roughly the two most recent generations exist at any time.

Deleting your account

In the app: Home → the person icon at the top → "حسابي" (My account) → "حذف الحساب نهائيًا" (Delete account permanently), then type the word "حذف" to confirm.

Removed immediately: your name, email, phone, saved addresses, and the link between you and any past order.
Retained: the orders themselves, as anonymous sales records in the restaurant's books, which we are required to keep for accounting.

The full detail — and how to have it done without opening the app at all — is on the account and data deletion page.

Your rights

You may request a copy of your data, its correction, or its deletion. Contact us on the hotline 17871, on the restaurant's WhatsApp, or by email at abdevpersonalmail@gmail.com, and we will respond within a reasonable time.

Children

This app is not directed at children, and we do not knowingly collect data from anyone under 13.

Changes to this policy

If we change anything, we will change the "Last updated" date above. Material changes will also be announced inside the app.

Contact

Email: abdevpersonalmail@gmail.com
Hotline: 17871 · WhatsApp: +20 108 091 9704
Address: Shar'a El Mohafza, opposite the Social Club, Damanhour, Beheira, Egypt.